Në mbyllje të protestës para kryeministrisë në ditën e 54-t të saj, mijëra qytetarë iu drejtuan bulevardit për marshimin tradicional të përnatshëm.
Me flamuj, banderola, parulla dhe thirrje të fuqishme, ata kërkuan ndryshimin e klasës politike, burgosjen e të korruptuarve dhe largimin e qeverisë.
Pas fjalimeve të mbajtura nga podiumi para kryeministrisë, nën thirrjen “Ju erdhi fundi”, “Parlament analfabet” dhe “Shqipëria kërkon revolucion”, ata nisën marshimin.
Mes thirrjeve të tjera ishin “Arrestoni Ramën”, “Rama në burg, Berisha në burg”, “Poshtë patronazhistët”, “Deputetë frikacakë”, “Parlament i krimit”, “Rama jepe dorëheqjen”, “Shqipëri e re”, e të tjera.
