Mijëra qytetarë shqiptarë marshuan edhe sot në ditën e 13-të në protestën kombëtare kundër kastës së vjetër politike, qeverisë së korruptuar dhe kryeministrit Edi Rama, të cilit i kërkuan dorëheqjen pak metra larg nga sheshi ku ai mbante takimin për 35-vjetorin e PS-së dhe po fliste.
Një prej aktivistëve që hapi këtë protestë masive tha se kreu i qeverisë ishte përpjekur t’i përçante dhe shantazhonte qytetarët, por pa sukses.
“Kryeministri është përpjekur të na përçajë dhe shantazhojë me antimitingun e tij. Por mos u provokoni. Ta thërrasim kryehajdutin se e kemi afër, kryehajduti u përpoq të na shantazhojë”, tha ai mes të tjerash.
Dhe duke apeluar e lëshuar një mesazh që u prit me ovacione nga qytetarët, përfundoi duke deklaruar se nuk do përç5aheshin e dorëzoheshin deri në fund.
“Ai e vetmja gjë që mendon janë karriget. Turp. Në të gjithë historinë tonë janë përpjekur të na përçajnë, në të krishterë e myslimanë, në demokratë e socialist, por ne jemi këtu sot të bashkuar”, përfundoi aktivisti.
