Blerina Basha, nëna e cila u akuzua dhe u denoncua nga ish-vjehrra se i ka braktisur tre fëmijët e saj dhe madje i ka lënë pa ngrenë per disa dite, hodhi poshtë pretendimet.
Blerina Basha tha se gjendja ekonomike është e vështirë, ndaj detyrohet të punojë në një lokal. E reja tregon se vetëm qira paguan 300 mijë lekë, ndërsa nga ish-burri i saj merr një ndihmë për fëmijet vetëm 180 mijë lekë te vjetra.
Basha thotë se nuk ka abuzuar dhe as ka braktisur fëmijet. “Fëmijët kanë qenë në shkollë, por kanë qenë sëmurë. Kisha çuar raport në shkollë. Ishin dhe dy javë pushimet. Ditën e hënën nis shkolla, të martën ndodhën përmbytjet dhe ndenjën në shtëpi. Sot ne jemi pa ujë në pallat. Drita kemi, por ujë jo. Nuk jam nënë që abuzoj me fëmijët. Nuk jam nënë që t’i braktisja fëmijët, se po të doja e kisha bërë me kohë.”, tha ajo.
INTERVISTA
Ke familje tendën, prindër?
Blerina Basha: Kam, por ndodhen jashtë shtetit. Nuk është se jemi në gjendje të mirë ekonomike.
Pse ishte në atë gjendje shtëpia?
Blerina Basha: Pretendimi im që kam, dakord shtëpia nuk është se ka qenë në atë gjendje që është vënë një dorë tjetër, unë jam e bindur.
Si kanë hyrë brenda?
Blerina Basha: Ajo ka hyrë brenda. Fëmijët e mi janë rritur me dashuri, i kam thënë që ke një baba, një gjysh dhe një nënë.
Si është marrëdhënia me vjehrrën dhe ish burrin?
Blerina Basha: Unë tani nuk kam kontakte
Të ka ndihmuar për fëmijët?
Blerina Basha: Që nga momenti që ka dalë nga burgu, këto muajit e fundit nisi lekë për fëmijët 180 mijë lekë, ca do bëj unë me 180 mijë lekë nëse rri 24 orë në shtëpi. Unë 300 mijë lekë e kam qiranë
Ku punon?
Blerina Basha: Në një lokal
