Familjes Prela i kane ardhur mesazhe ngushellimi per humbjen nga kryeministri Berisha dhe kryetarja e Kuvendit, Jozefina Topalli.
Në nderim të njërës prej figurave më të njohura të artit skenik shqiptar, Kryeministri në mesazhin e tij shprehet:
“Ndarja e nga jeta e Ndrek Prelës, njërit prej personaliteteve më të shquara të botës skenike shqiptare përbën një humbje të madhe për teatrin, botën e artit dhe mbarë Shqipërinë.
Ndrek Prela lë pas, një trashëgimi të shkëlqyer në kulturën dhe artin skenik shqiptar. Duke u shprehur ngushëllimet më të sinqerta për humbjen e njeriut tuaj të dashur, i lutem Zotit që shpirti tij të gjejë paqen e amshuar.
Mesazhi i Topallit
“Në kujtesën e bashkëqyetarëve të mi, aktorëve të Teatrit Migjeni e të gjithë shqiptarëve, figura e Ndrek Prelës, do të mbahet mend si njeriu I përkushtuar, që pasionin, dashurinë dhe vullnetin e tij ja kushtoi skenës së teatrit”- shkruan Topalli ne mesazhin e saj.
Me ndarjen nga jeta të zotit Prela, familja , miqtë , qyteti i Shkodrës dhe Shqipëria humbi një qytetar dhe profesionist të madh të botës së artit dhe të kulturës.
© Panorama.al
