Shtetet e Bashkuara njoftuan se përfunduan sot (15 korrik) një raund sulmesh që synonin sistemet e mbrojtjes bregdetare, si dhe objektet e magazinimit dhe lëshimit të raketave lundruese në ishullin Grand Tunb të Iranit.
Lajmin e njoftoi Komanda Qendrore e SHBA-së (CENTCOM) përgjegjëse për Lindjen e Mesme.
Vala 90-minutëshe e sulmeve kishte për qëllim kufizimin e aftësisë së Iranit për të sulmuar anijet tregtare në Ngushticën e Hormuzit.
Nga ana tjetër Teherani ka lëshuar akuza të rënda kundër Uashingtonit, duke përmendur dhjetëra viktima midis popullatës civile në ditët e fundit.
Sipas deklaratave zyrtare të bëra nga zëdhënësja e qeverisë iraniane, Fatemeh Mohajerani, të paktën 30 civilë kanë humbur jetën gjatë operacioneve ushtarake amerikane.
“U shprehim ngushëllimet tona familjeve të të ndjerëve dhe nderojmë kujtimin e të vdekurve. Qeveria do të qëndrojë pranë popullit me gjithë forcën e saj”, shkroi ai në X.
Në një deklaratë të veçantë, zëdhënësi i Ministrisë së Shëndetësisë, Hossein Kermanpour, i tha X se më shumë se 260 persona janë plagosur që nga fillimi i valës së fundit të sulmeve një javë më parë. Nga këta, 222 janë liruar nga spitali, shtoi ai.
© Panorama.al
