Nga forcimi i sistemit imunitar deri te mbrojtja e zemrës dhe rregullimi i sheqerit në gjak, ky frut vazhdon të jetë në lartësinë e titullit të tij si një nga “aleatët” tanë më të vlefshëm.
Të pasura me lëndë ushqyese thelbësore, si fibra, vitamina C dhe antioksidantë, mollët janë një nga aleatët më të palëkundur të shëndetit tonë.
Ato ndihmojnë në rregullimin e niveleve të sheqerit në gjak, përmirësojnë funksionin e zemrës dhe ofrojnë një gamë të gjerë përfitimesh për trupin.
Edhe pse vijnë në një larmi ngjyrash dhe madhësish, të gjitha kanë një gjë të përbashkët: me pak kalori. Nuk është rastësi, pra, që thënia e njohur “një mollë në ditë e mban mjekun larg” është konfirmuar shkencërisht.
Përfitimet shëndetësore të mollëve
1. Humbje peshe
Përmbajtja e lartë e fibrave dhe vlera e ulët kalorike i bëjnë mollët një zgjedhje ideale për ata që kërkojnë humbje peshe ose kontroll të saj. Në një studim 12-javor, gratë mbipeshë që konsumonin 300 g mollë çdo ditë humbën mesatarisht 1.22 kg. Studime të shumta konfirmojnë se konsumi i rregullt mund të kontribuojë në ngopje dhe të zvogëlojë marrjen e përgjithshme të kalorive.
2. Rregullimi i sheqerit në gjak
Me një indeks të ulët glicemik, mollët ndihmojnë në stabilizimin e niveleve të sheqerit në gjak. Fibra ngadalëson tretjen, ndërsa polifenolet mund të kufizojnë thithjen e glukozës. Kombinimi i këtyre vetive i bën ato të dobishme për njerëzit që duan të ruajnë një ekuilibër të qëndrueshëm të energjisë.
3. Kolesteroli dhe shëndeti i zemrës
Studimet klinike tregojnë se ngrënia e mollëve mund të ulë nivelet e kolesterolit LDL (“të keq”) dhe triglicerideve, duke përmirësuar njëkohësisht qarkullimin e gjakut, pa ndikuar negativisht në presionin e gjakut.
Menaxhimi i duhur i kolesterolit është, në fund të fundit, një nga faktorët më të rëndësishëm në parandalimin e sëmundjeve kardiovaskulare.
4. Mbrojtje kundër kancerit
Edhe pse kërkimet janë ende në vazhdim, disa studime laboratorike sugjerojnë se (fito) lëndët ushqyese në mollë mund të ndihmojnë në parandalimin e llojeve të caktuara të kancerit, siç është kanceri i mushkërive dhe i zorrës së trashë.
Në njërën prej tyre, ngrënia e një ose më shumë mollëve në ditë ishte e lidhur me një rrezik 20% më të ulët të kancerit të zorrës së trashë dhe një shans 18% më të ulët të kancerit të gjirit.
