Deputeti demokrat Ferdinand Xhaferaj foli sot në studion e News 24 për vendimin e tij për të hequr dorë nga gara e primareve në PD.
Xhaferaj tha se ai ka mendime kritike për procesin e primareve dhe se PD sipas tij duhet ta mbështesë SPAK, dhe jo ta sulmojë.
Më tej ai tha se vendimmarrjet e Berishës tregojnë se Primaret bëhen më shumë për të përforcuar agjendën e kryetarit, se sa axhendën e partisë.
“PD ka eksperimentuar me primaret. Primaret më shumë e kanë dëmtuar PD-në. Unë kam shprehur qëndrimi kritik për primaret si një proces që e dëmton PD dhe dua të tregoj respekt ndaj votuesve në Durrës. Nuk marr pjesë në këtë proces, pasi qëndrimet e mia janë kritike ndaj primareve. PD duhet ta mbështesë SPAK-un.
Është i domosdoshëm ndryshimi dhe PD nuk duhet ta humbasë këtë rast. PD nuk duhet ta sulmojë SPAK-un. Një ndihmë shumë e mdhe na ëhtë dhënë nga SPAK.
SPAK na ka dhënë ndihmë të madhe. SPAK ka arrestuar zyrtarë të lartë. Shqipëria e ka të domosdoshëm rotacionin politik, PD duhet të fitojë sepse është aset kombëtar. Vendimmarrja e dritanishme e kryetarit të partisë fatkeqësisht na ka lënë shijen që bëhet me shumë për të forcuar një agjendë personale sesa për të forcuar fitoren e PD-së. Do ishte MIRË që agjenda të përputhej, siç u përputh më 2005. Unë kam qenë kritik për procesin ndaj Sali Berishës. Rama ka frikë nga SPAK. Ky proces ofendon demokratin e thjeshtë”, tha Xhaferaj.
Lexo edhe: Primaret në PD/ Helidon Bushati: Heq dorë nga aspirata për të qenë kandidat për deputet
© Panorama.al
