Presidenti ukrainas, Volodymyr Zelensky, u takua mëngjesin e sotëm (9 dhjetor 2025) me Papa Leon.
Sipas njoftimit të bërë nga Vatikani, tema e diskutimit mes Zelenskyt dhe Papës ishte lufta në Ukrainë.
“Papa Leo përsëriti nevojën për dialog të vazhdueshëm dhe shprehu dëshirën e tij urgjente që iniciativat aktuale diplomatike të çojnë në paqe të drejtë dhe të qendrueshme”, thuhet në deklaratën e Vatikanit.
Dy udhëheqësit diskutuan gjithashtu çështjen e të burgosurve të luftës dhe nevojën për të siguruar kthimin efëmijëve nga Ukraina te familjet e tyre, thuhet ndër të tjera në deklaratë.
Pope Leo welcomed Ukranian President Volodymyr Zelenksyy to the papal residence at Castel Gandolfo and they spoke about the issue of prisoners of war, calling for ensuring the safe return of Ukrainian children to their families.https://t.co/R3hynTYvRF
— Vatican News (@VaticanNews) December 9, 2025
Më vonë gjatë ditës sot, Zelensky do të takohet gjithashtu me kryeministren italiane Giorgia Meloni, siç është raportuar më parë, ndërsa vazhdon turneun e tij në Evropë për të forcuar mbështetjen për Ukrainën mes presionit në rritje të SHBA-së ndaj Kievit.
Zyrtarët amerikanë pretendojnë se janë në fazat e fundit të arritjes së një marrëveshjeje, por nuk ka asnjë tregues se Ukraina ose Rusia janë të gatshme të nënshkruajnë marrëveshjen ekzistuese kornizë të hartuar nga ekipi negociator i Trump, thekson Guardian.
© Panorama.al
