Në përvjetorin e bombardimeve të NATO-s kundër forcave serbe, kryeministri kosovar, Hashim Thaçi, tha se hapi ka qenë i domosdoshëm për të nxitur arritjen e pajtimit historik mes shqiptarëve dhe serbëve sot. “Sot Kosova është vend i lirë, vend i tolerancës etnike, i një perspektive të fqinjësisë së mirë edhe mes Republikës së Kosovës dhe Serbisë, për t’i përmbyllur njëherë e përgjithmonë konfliktet njëshekullore që kanë ndodhur në rajonin tonë”, tha Thaçi. Dymbëdhjetë vjet pas ndërhyrjes së NATO-s për t’i dhënë fund gjenocidit serb në Kosovë, Thaçi tha se kjo ndërhyrje “ka qenë zgjidhja e vetme, e drejtë, humane, në mbështetje të lirisë së popullit të Kosovës dhe përpjekjeve tona për liri dhe pavarësi”. Thaçi theksoi se pajtimi shqiptaro-serb duhet të ndodhë pas një konflikti më tepër se njëshekullor. “Dialogu që ka filluar në Bruksel është i nivelit të barabartë, për herë të parë në histori, mes institucioneve të Republikës së Kosovës dhe atyre të Serbisë”, shtoi ai.
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama