Eurodeputetja gjermane Jutta Paulus ka shprehur mbështetjen e saj për protestat që po zhvillohen në Shqipëri dhe që sot hyjnë në ditën e 26-të.
Në një postim në rrjetet sociale, Paulus e përdori flamingon si simbol të rezistencës së banorëve dhe ambientalistëve që po kundërshtojnë projektet e planifikuara në zonën e Vjosë-Nartës.
Në përgjigje të një komentuesi eurodeputetja ka deklaruar se do t’i bashkohet protestës të hënën e ardhshme.
“Do të bashkohem me protestat të hënën e ardhshme”, shkruan eurodeputetja.
Kujtojmë që prej gati një muaj, çdo ditë qytetarët dalin në sheshe e rrugë duke protestuar dhe duke kërkuar dorëheqjen e kryeministrit Edi Rama.
© Panorama.al
