Qytetarët u mblodhën sërish sot në shesh, në ditën e 55-të të rezistencës për rrëzimin e qeverisë dhe klasës së vjetër politike.
Një i ri aktivist dhe protestues, tha nga sheshi për “News24”, tha se kryeministri Edi Rama e di shumë mirë që qytetarët nuk i besojnë më dhe se është treguar “besëprerë”.
Ai iu përgjigj kreut të ekzekutivit për fjalimin e mbajtur sot në mbledhjen e grupit të PS, duke thënë se përdori edhe zonjën e moshuar me fëmijën e saj me spektër autik.
“Nëse Edi Rama donte të na dëgjonte nuk do priste 55 ditë, nuk do na kishte sharë. Por kërkon të manipulojë. Edhe zonjën e moshuar u përpoq që ta përdorte”, tha ai.
Më tej, teksa foli për keqqeverisjen, i riu kërkoi që Rama të mbante përgjegjësi për dështimet e tij.
“Në vend që të mbajë përgjegjësi për dështimin e qeverisë, ai vazhdon të bëjë përpjekje të ulëta. 35 vite e njëjta këngë”, tha ai.
© Panorama.al
