Tajlanda thotë se po pezullon zbatimin e “marrëveshjes së paqes” me Kamboxhian fqinje, për një kufi të diskutueshëm, vetëm dy javë pasi Donald Trump kryesoi nënshkrimin e saj.
Njoftimi i Tajlandës erdhi pasi ushtarët u plagosën në një shpërthim mine tokësore pranë kufirit kamboxhian, në provincën Sisaket, tha një zëdhënës i qeverisë.
Kamboxhia ka thënë se mbetet e përkushtuar ndaj marrëveshjes, e cila supozohet të sjellë një paqe të qëndrueshme pas përleshjeve kufitare që lanë më shumë se 40 të vdekur në korrik.
Të dyja palët nënshkruan marrëveshjen – të cilën Tailanda ka refuzuar ta quajë një marrëveshje paqeje – në tetor gjatë një ceremonie me presidentin e SHBA-së në Malajzi.
Por të hënën, kryeministri tajlandez Anutin Charnvirakul tha në një konferencë për shtyp të hënën se ishte dakord me vendimin e marrë nga shefat e mbrojtjes së vendit, duke thënë se “kërcënimi i sigurisë… në fakt nuk është zvogëluar”.
Sipas ‘Bangkok Post’, ushtarët u plagosën gjatë patrullimit – njëri prej të cilëve humbi këmbën. Anutin tha se planifikonte të vizitonte ushtarët e plagosur të martën.
Mosmarrëveshja kufitare midis dy palëve daton më shumë se një shekull më parë, që nga koha kur kufiri u vendos pas pushtimit francez të Kamboxhias. Mosmarrëveshja ka çuar në një numër përplasjesh gjatë viteve, ku kjo e fundit ka bërë që 300,000 njerëz të largohen.
Një armëpushim u ra dakord brenda disa ditësh, dhe marrëveshja e nënshkruar në Malajzi – e quajtur “Deklarata e Përbashkët nga kryeministrat e Tajlandës dhe Kamboxhias mbi rezultatet e takimit të tyre në Kuala Lumpur” nga Bangkok – u nënshkrua në tetor.
Të dyja palët ranë dakord të tërhiqnin armët e tyre të rënda nga rajoni i diskutueshëm dhe të krijonin një ekip vëzhguesish të përkohshëm për ta monitoruar atë. Hapi tjetër supozohej të përfshinte lirimin e 18 ushtarëve kamboxhianë të mbajtur në Tajlandë.
© Panorama.al
