Pogradeci ka arritur rekord më vete në fushën e tij, teksa ka marrë fitoren e dymbëdhjetë në këtë kampionat, pasi ka triumfuar 2-0 ndaj Besëlidhjes.Takimi është shoqëruar edhe me incidente, ku është lënë pa ndjenja sulmuesi i pogradecarëve Eminhazeri, i goditur nga lezhjanët. Pas 18 vitesh, Pogradeci rikthehet në Superiore. Pas fitores së arritur, presidenti i Pogradecit, Artan Shkëmbi, ka qenë tepër entuziast. “Në qytet ka pasur një festë të madhe dhe popullore, sepse kanë qenë në stadium mijëra tifozë, të cilët e ëndërronin Pogradecin në Superiore. Mendoj se kemi realizuar një nga premtimet që iu bëmë tifozëve në fillim të sezonit. Praktikisht jemi në Superiore dhe jam shumë i lumtur për këtë, sepse nuk zhgënjyem gjatë gjithë sezonit. Është një arritje e madhe nga ana e skuadrës dhe e stafit dhe ju premtojmë tifozëve se edhe vitin tjetër do të kemi një skuadër të fortë dhe të denjë për t’u matur me më të mirat e kampionatit shqiptar”, tha presidenti i ekipit të Pogradecit, Artan Shkëmbi.
Kamza -Tërbuni 0-0
Skuadra e Kamzës ka bërë një tjetër hap fals në fushën e saj, ku ka barazuar pa gola me Tërbunin. Ekipi i drejtuar nga Skerdi Bejzade ka humbur dy pikë mjaft të vlefshme për objektivat që ka, ndërsa pukjanët me lojën që zhvilluan, e kanë merituar plotësisht pikën e marrë. Madje miqtë edhe mund të fitonin, nëse do të shfrytëzonin me kujdes rastet që patën gjatë lojës.
Lushnja- Vlora 3-0
Më në fund, Lushnja është kthyer te fitorja. Verdhejeshilët kanë mundur vlonjatët me rezultatin 3-0, ndryshe nga takimet me Partizanin dhe Tërbunin që ka triumfuar ngushtë 1-0. Verdhejeshilët kanë rigjetur repartin e sulmit, pasi të dy sulmuesit, Metushi si edhe serbi Mijatoviç kishin plot 779 minuta që nuk shënonin.
Mamurrasi-Apolonia 1-0
Mamurrasi hedh një hap të sigurt drejtë play-off-it, ndërsa ka arritur të mundë Apoloninë me rezultatin minimal 1-0. Mamurrzakët e kanë zhbllokuar shumë shpejt takimin me anë të Ivanajt, që ka shënuar në minutën e 6-të. Hapi i gabuar i Besëlidhjes, bën që bardhejeshilët të vazhdojnë të mbajnë vendin e katërt.
Luftëtari – Gramozi 3-1
Luftëtari ka bërë detyrën në sfidën e javës së 24-t, teksa ka hipotekuar fitoren e radhës në shtëpi ndaj Gramozit. Kjo fitore ka ardhur si rrjedhojë e një takimi të zhvilluar në mënyrën më të mirë, nga bluzinjtë. Luftëtari shkon në vend të nëntë, në kuotën e 31 pikëve.
Gramshi-Burreli 1-0
Gramshi merr një fitore mbijetesë në shtëpi ndaj Burrelit. Ka qenë Koçi, ai që i kë dhënë fitoren vendësve. Matjanët e kanë pasur të vështirë që të kthejnë rezultatin. Me tri pikët e marra, gramshakët kalojnë të 14-tët në renditje, duke lënë pas Bilisht Sportin, edhe pse me pikë të barabarta, por me golavarazh më të mirë.
Kategoria e pare
JAVA E 24-t/ (2 prill 2011)
Ada – Bilisht Sporti 4-1
Gjini 5′, Baçi 13′, Hajdari 57′, Nika 59’/Duka 34′
Lushnja – Vlora 3-0
Metushi 45’+2, Mijatoviç 59′, Gjoni 90’+3
Pogradeci – Besëlidhja 2-0
Pengu 19′, Rraboshta 72′
Kamza – Tërbuni 0-0
Mamurrasi – Apolonia 1-0
Ivanaj 6′
Luftëtari – Gramozi 3-1
Stoja 51′, Shkoza 73′, 82’/Bilibashi 21′
Partizani – Tomorri 0-2
Galica 54′, 58′
Gramshi – Burreli 1-0
L.Koçi 11′
RENDITJA N F B H G+ G- P
1 POGRADECI 24 19 1 4 40 16 58
2 TOMORI 24 16 2 6 38 17 50
3 KAMZA 24 13 9 2 31 14 48
4 APOLONIA 24 13 5 6 35 22 44
5 BESELIDHJA 24 12 7 5 30 15 43
6 MAMURRASI 24 11 3 10 20 20 36
7 LUSHNJA 24 10 2 12 30 19 32
8 GRAMOZI 24 10 2 12 29 38 32
9 LUFTËTARI 24 8 7 9 18 26 31
10 ADA 24 8 3 13 29 33 27
11 BURRELI 24 7 5 12 22 28 26
12 TËRBUNI 24 7 5 12 19 32 26
13 VLORA 24 7 4 13 24 32 25
14 GRAMSHI 24 6 6 12 16 28 24
15 B.SPORTI 24 7 3 14 29 52 24
16 PARTIZANI 24 4 4 16 14 32 16
