Deputeti i Partisë Demokratike, Klevis Balliu ka zhvilluar në SHBA një takim me kongresmenin John R. Moolenaar. Me anë të një postimi në Facebook, deputeti demokrat thotë se kanë diskutuar për plagët e rëndë të demokracisë në Shqipëri.
“Kapja e shtetit, aleanca me krimin dhe përdorimi i pushtetit për vota të vjedhura kanë shkatërruar pluralizmin dhe shpresën e qytetarëve”, shkruan Balliu.
Deputeti i PD thekson se “Shtetet e Bashkuara të Amerikës janë dhe do të mbeten në krah të betejës për demokraci, dhe për këtë mbështetje ne jemi mirënjohës”.
