VLORË – Prej ditës së djeshme, çmimi i bukës për qytetarët e Vlorës ka pësuar sërish rritje. Një bukë masive me peshë 900 gramë shitej me 120 lekë dhe 400 gramë 60 lekë. Rritja e çmimit nisi nga fillimi i vitit, fillimisht me 80 lekë e më pas me 100 lekë. Megjithë shqetësimin e qytetarëve të Vlorës për këto rritje pa fund, erdhi dhe momenti kur 900 g bukë nga dita e djeshme po shitet me 120 lekë. Qytetarët e Vlorës shprehin shqetësimin e tyre për këto rritje drastike të çmimit të bukës si dhe pamundësinë e përballimit të tij. Kryetari i shoqatës së furrtarëve të Vlorës, Luan Ruçaj, shprehet se kjo rritje ka ardhur si pasojë e rritjes së çmimit të miellit dhe të naftës. Ai paralajmëron rritje të mëtejshme, nëse do të shtohet çmimi i produkteve të tjera me të cilat punojnë, si nafta, mielli, kripa etj. q.b
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama