Ish-trajneri i Kombëtares shqiptare, Edi Reja foli për Il Messaggero në prag të finales midis Spanjës dhe Argjentinës ku tregoi një anekdotë kurioze që e lidh Lacion me trajnerin aktual të Albiceleste, Lionel Skaloni.
“E takova te Lacio dhe pastaj e solla te Atalanta. Nuk mund të mos flisja me të për futbollin, ai ishte një frymëzim. Ai kishte një vizion, sy unik dhe klinik për vlerësimin e lojtarëve, duke i vëzhguar ata nga stoli, madje edhe lojtarët kundërshtarë. Ai ishte një udhëheqës karizmatik dhe inteligjent. Ekipet që unë stërvita e konsideronin atë një udhërrëfyes sepse kishte karakter dhe personalitet. Kur fliste, të gjithë e ndiqnin. Në vitin 2024, fola me Lotiton dhe i shkrova Skalonit duke e pyetur nëse donte të kthehej në Lacio si trajner. Ai u përgjigj: ‘Jo, zotëri, unë do të qëndroj me ekipin tim të Argjentinës, kam një angazhim dhe nuk do të tërhiqem’”, ka zbuluar Reja.
PANORAMASPORT.AL
