Donald Trump u rikthye në presidencën amerikane me një ceremoni inaugurimi në Uashington, duke u bërë presidentin e parë i cili do të shërbejë në mandate jo të njëpasnjëshme që nga vitet 1890.
Miliona amerikanë ndoqen në televizione, teksa 78-vjeçari Donald Trump bëri betimin për një mandat të ri katërvjeçar në Shtëpinë e Bardhë, ndërsa Presidenti Joe Biden, 82 vjeç, u largua nga presidenca pas një mandati të vetëm.
Ndiqni më poshtë LIVE të gjitha zhvillimet nga ceremonia inaugurimit!
17:47: Donald Trump mbërrin në Capitol për t’u bërë president, nis ceremonia e betimit
Donald Trump ka mbërritur në Capitol Rotunda, për t’u betuar si presidenti i 47-të i Shteteve të Bashkuara.
17:42- Biden dhe Harris hyjnë në Capitol Hill për të dorëzuar detyrat!
Joe Biden dhe Kamala Harris sapo kanë hyrë në ndërtesën e Capitolit.
Koha e tyre në detyrë si president dhe nënkryetar do të përfundojë zyrtarisht.
Mbreti Charles i ka dërguar një mesazh personal urimi Presidentit Trump për inaugurimin e tij, duke reflektuar mbi marrëdhëniet e qëndrueshme të veçanta midis Mbretërisë së Bashkuar dhe SHBA-së, thotë Buckingham Palace.
17: 14- Presidenti brazilian komenton presidencën e Trump: Nuk duam zënka me SHBA-të!
Në kuadër të inaugurimit të Presidentit të zgjedhur të SHBA-së, Donald Trump , presidenti i qendrës së majtë të Brazilit, Inácio Lula da Silva shprehu dëshirën e tij që Shtetet e Bashkuara të mbeten një “partner historik” i Brazilit.
“Si president i Brazilit, shpresoj që (Trump) të ketë një administratë të dobishme (…) dhe se amerikanët do të vazhdojnë të jenë partneri historik që janë për Brazilin, pasi ne nuk duam nga ana jonë zënka as me Venezuelën, as me amerikanët, as me Kinën, Indinë apo Rusinë”, tha Lula gjatë një takimi ministror.
Për të ndjekur ceremoninë e betimit të Donald Trump si president i 47-të i Shteteve të Bashkuara të Amerikës janë mbledhur turma të mëdha njerëzish.
Ndërkohë, disa fytyra publike kanë zënë vendet e tyre në Capitol Hill, aty ku do bëhet betimi.
16:09- Donald Trump sapo ka mbërritur në Shtëpinë e Bardhë me bashkëshorten e tij Melania.
BBC ka publikuar pamjet nga momenti kur Trump mbërrin në Kapitol për t’u betuar si presidenti i 47-të i Shteteve të Bashkuara të Amerikës.
15:50- Joe Biden ndan një selfie me bashkëshorten para largimit nga detyra, presidenti: Të duam, Amerikë!
Joe Biden ka ndarë edhe një selfie para se të largohet nga detyra.
Presidenti në largim i SHBA postoi foton në X së bashku me gruan e tij Jill Biden, në Shtëpinë e Bardhë.
“Një selife më shumë për rrugëtimin. Të duam, Amerikë”, shkruan ai.
One more selfie for the road. We love you, America. pic.twitter.com/71k46uGADV
— President Biden (@POTUS) January 20, 2025
Dyshja do të presë Donald dhe Melania Trump për çaj pak para se të shkojnë në ndërtesën e Kapitolit për inaugurimin.
Ata që morën pjesë në shërbimin në Kishën St Joh’s përfshinë disa figura kyçe në orbitën e Donald Trump, si dhe CEO me ndikim të teknologjisë dhe ish-kryeministrin e Mbretërisë së Bashkuar Boris Johnson.
Raportohet se Zuckerberg i kompanisw Meta, Jeff Bezos dhe Lauren Sanchez i Amazon, si dhe Johnson, janë ulur të gjithë në të njëjtin rresht.
© Panorama.al
