Kryeministri Edi Rama, ka deklaruar se do të marrë pjesë në fushatën elektorale të 11 majit në Tiranë, pas arrestimit të kryebashkiakut Erion Veliaj.
Në ceremoninë për 105-vjetorin e Tiranës si kryeqytet, Rama u shpreh se do t’i bashkohet skuadrës së deputetëve të Tiranës.
“Nga gjithë ajo që ndodhi dje, dhe për mua është e qartë që duhet të jem në Tiranë bashkë me skuadrën e Tiranës”, tha ai, ndërsa shtoi se në 11 maj, Tirana do t’i japi numrin më të madh të deputetëve Partisë Socialiste.
Rama: Më 11 maj, falë edhe blerjes së fundit të skuadrës, marrjes së Braçes në Tiranë, kutitë e votimit do jenë një mavi flakëritëse cep më cep në çdo njësi, në çdo lagje, në çdo qendër.
Nga gjithë ajo që ndodhi dje, dhe për mua është e qartë që duhet të jem në Tiranë bashkë me skuadrën e Tiranës.
Nuk diskutohet që në 11 maj, Tirana do t’i japi numrin më të madh të deputetëve që i ka dhënë ndonjëherë, forcës më të madhe politike të shqiptarëve.
© Panorama.al
