Një zjarr është regjistruar pasditen e sotme në parkingun e një pallati në zonën e Astirit, në Tiranë.
Sipas informacioneve paraprake, fillimisht ka marrë flakë një motor elektrik, ndërsa më pas zjarri është përhapur edhe te një automjet i parkuar pranë tij.
Në vendngjarje kanë mbërritur forcat zjarrfikëse, të cilat po punojnë për shuarjen e flakëve dhe vënien e situatës nën kontroll.
Deri më tani nuk raportohet për persona të lënduar, ndërsa shkaqet e zjarrit mbeten ende të paqarta. Autoritetet po vijojnë hetimet për zbardhjen e rrethanave të ngjarjes.
