Kryeministri Edi Rama ka ndarë pamje nga vizita e tij në Doha, Katar, ku u prit në rezidencën e Kryeministrit dhe Ministrit të Punëve të Jashtme të Katarit, Sheikh Mohammad bin Abdulrahman bin Jassim Al Thani.
Gjatë takimit, Rama dhe Al Thani mësohet se diskutuan për thellimin e bashkëpunimit dypalësh.
Po ashtu, kreu i qeverisë ka bërë me dije se kanë diskutuar edhe mbi projektet me rëndësi strategjike për Shqipërinë.
“Në rezidencën e Kryeministrit dhe Ministrit të Punëve të Jashtme të Katarit, Sheikh Mohammad bin Abdulrahman bin Jassim Al Thani, ku biseduam për thellimin e bashkëpunimit dhe disa projekte me peshë të rëndësishme për Shqipërinë”, shkruan Rama.
