Eriona Kakeli: Lidhja ime me Salsano Rrapin ngjan me një telenovelë

Nuk kanë bërë martesë me celebrim, por jetojnë në një çati. Aktorët Eriona Kakeli dhe Salsano Rrapi kanë vendosur ta jetojnë kështu lidhjen e tyre të dashurisë mbi pesëvjeçare, pra një “martesë” pa letra. Ndërsa tregohen të dy të rezervuar në media për jetën private, një përgjigje se si po vazhdon lidhja e saj me aktorin dhe tashmë moderatorin e “Portokallisë”, Salsano Rrapi, e ka dhënë në programin e së dielës “E Diell”. Pyetjes se si do ta komentonte historinë e dashurisë me Salsanon, ajo i është përgjigjur se po jetojnë në një çati dhe ndërkohë që lidhja e tyre vazhdon, i ngjason një telenovele të vërtetë dhe që do të vazhdojë të jetë e tillë”. Ndërsa vetë Salsano ka pohuar në një intervistë për “Panoramën”, se nuk kanë ndonjë plan të organizojnë ceremoni martese në jetë, por në skenë i ka ndodhur ta provojë një herë atë ndjesi në një shfaqje teatrale. Edhe pse kanë të dy të njëjtin profesion, jeta e tyre profesionale është krejtësisht e kundërt. Eriona, me një eksperiencë të shkuar në televizion, tashmë i është përkushtuar teatrit, ndërsa Salsano i është përkushtuar më së shumti televizionit. Bashkë në teatër u takuan dy vite më parë në teatrin “Skampa” dhe luajtën në komedinë tragjike “Kolonel Zogu”, ku Eriona ishte e vetmja aktore femër. Dy aktorët kanë nisur të bashkëjetojnë që para dy vitesh, ndërsa e kanë komentuar gjithmonë lidhjen e tyre si një lidhje të konsoliduar.

© Panorama.al