Policia e Shkodrës ka lokalizuar dhe vendosur në pranga pas disa orësh kërkimi edhe autori i ngjarjes, 18-vjeçarit Arvin Fregjaj, teksa u ndalua edhe babai i tij për përkrahje.
Më herët uniformat blu kishin ndaluar edhe vëllanë e të plagosurit, 41 vjeç, Arben Kepëca, pasi tentoi të hakmerrej ndaj autorit, teksa po shkonte drejt vendngjarjes i armatosur me pistoletë. I plagosur mbeti Vildan Kepëca.
“Si rezultat i kontrolleve intensive, si dhe veprimeve hetimore dhe operacionale, të kryera nga specialistët për Hetimin e Krimeve të Rënda, në bashkëpunim me shërbimet e Komisariatit të Policisë Shkodër, me qëllim ndalimin dhe nxjerrjen përpara përgjegjësisë penale, të shtetasve të përfshirë në ngjarjen e sotme, në lagjen “Vasil Shanto”, u kapën dhe u vunë në pranga shtetasit: A. F., 18 vjeç, banues në Shkodër, për veprat penale “Vrasja me dashje”, mbetur në tentativë, kryer në bashkëpunim, “Prodhimi, mbajtja, blerja apo shitja pa leje e armëve të ftohta” dhe “Prishja e qetësisë publike”. A. M., 53 vjeç, babai i 18-vjeçarit, banues në Shkodër, për veprën penale “Vrasja me dashje”, mbetur në tentativë, kryer në bashkëpunim”, thanë burime zyrtare pas aksionit.
Nga hetimet dyshohet se këta shtetas, në bashkëpunim me njëri-tjetrin, kanë plagosur me mjet prerës (thikë), në ambientet e Poliklinikës, shtetasin V. K., 32 vjeç, i cili është në kujdesin e mjekëve.
“Në lidhje me këtë ngjarje, më herët, shërbimet e Policisë parandaluan një ngjarje kriminale duke arrestuar në flagrancë shtetasin A. K., 41 vjeç, vëllanë e shtetasit V. K. Materialet procedurale iu referuan Prokurorisë, për veprime të mëtejshme”, tha policia.
Çfarë ndodhi dhe dyshimet e Policisë
Një plagosje me thikë desh u shndërrua në një ngjarje vetëgjyqësie në Shkodër. Sot u raportua një konflikti në ambientet e Poliklinikës në lagjen “Vasil Shanto”. Policia bën të ditur se sot u shmang një vrasjeje e mundshme dhe u realizua arrestimi i një 41-vjeçari që ishte nisur i armatosur për t’u hakmarrë për vëllain e tij të plagosur me thike.
Sipas Policisë, rreth orës 11:30, gjatë një konflikti për motive të dobëta, Arvin Fregjaj dyshohet se ka plagosur me thikë Vildan Kepëcën, 32 vjeç. I plagosuri u transportua menjëherë në spital, ku ndodhet nën kujdesin e mjekëve.
Gjatë ndërhyrjes, Policia bën të ditur se mori informacion se vëllai i të plagosurit, Arben Kepëca, 41 vjeç, kishte marrë një armë zjarri pistoletë me fishek në fole dhe ishte nisur në këmbë për të vrarë autorin e dyshuar të plagosjes.
Policia raportin se bëri të mundur kapjen dhe arrestimin në flagrancë të 41-vjeçarit, Arben Kepëca. Gjatë ndërhyrjes, ai tentoi të largohej dhe hodhi armën e zjarrit, e cila u sekuestrua në cilësinë e provës materiale, së bashku me municion luftarak.
Ndërkohë, shërbimet e Policisë vijojnë kontrollet për lokalizimin dhe kapjen e Arvin Fregjajt, i dyshuar si autor i plagosjes me thikë.
Njoftimi i Policisë Shkodër:
“Vijojnë veprimet hetimore dhe operacionale, për dokumentimin e autorësisë dhe përgjegjësive në lidhje me ngjarjen e ndodhur mesditën e sotme, në lagjen “Vasil Shanto”.
Lokalizohet dhe vihet në pranga 18-vjeçari që plagosi me mjet prerës (thikë), shtetasin V. K., në ambientet e Poliklinikës.
Gjithashtu në pranga, babai i 18-vjeçarit, si bashkëpunëtor në krim.
“Si rezultat i kontrolleve intensive, si dhe veprimeve hetimore dhe operacionale, të kryera nga specialistët për Hetimin e Krimeve të Rënda, në bashkëpunim me shërbimet e Komisariatit të Policisë Shkodër, me qëllim ndalimin dhe nxjerrjen përpara përgjegjësisë penale, të shtetasve të përfshirë në ngjarjen e sotme, në lagjen “Vasil Shanto”, u kapën dhe u vunë në pranga shtetasit:
-A. F., 18 vjeç, banues në Shkodër, për veprat penale “Vrasja me dashje”, mbetur në tentativë, kryer në bashkëpunim, “Prodhimi, mbajtja, blerja apo shitja pa leje e armëve të ftohta” dhe “Prishja e qetësisë publike”;
-A. M., 53 vjeç, babai i 18-vjeçarit, banues në Shkodër, për veprën penale “Vrasja me dashje”, mbetur në tentativë, kryer në bashkëpunim.
Nga hetimet dyshohet se këta shtetas, në bashkëpunim me njëri-tjetrin, kanë plagosur me mjet prerës (thikë), në ambientet e Poliklinikës, shtetasin V. K., 32 vjeç, i cili është në kujdesin e mjekëve.
Në lidhje me këtë ngjarje, më herët, shërbimet e Policisë parandaluan një ngjarje kriminale duke arrestuar në flagrancë shtetasin A. K., 41 vjeç, vëllanë e shtetasit V. K.
Materialet procedurale iu referuan Prokurorisë, për veprime të mëtejshme”.
© Panorama.al
