Drejtuesja politike e PS për qarkun Tiranë, Elisa Spiropali, ka vijuar takimet elektorale në Kavajë në kuadër të zgjedhjeve të 11 majit.
Në takimin e organizuar në Golem, Spiropali tha se; “Ekipi ynë për Kavajën dhe Rrogozhinën është një ekip kompakt që rrezaton punë dhe përkushtim për njerëzit”.
Sipas saj, beteja për mandatin e katërt është më thelbësorja dhe më e rëndësishme, duke thënë se PS do ta çojë Shqipërinë në BE.
“Beteja për mandatin e katërt qeverisës është më thelbësorja dhe më e rëndësishmja, sepse është beteja mes nesh që po e çojmë Shqipërinë në Bashkimin Europian dhe atyre që duan ta kthejnë në baltën ku ishte para 12 vjetësh.
Me ne Shqipëria po shkon drejt familjes europiane, e cila nuk të le kurrë vetëm dhe është një shans i jashtëzakonshëm për të gjithë shqiptarët, fermerët, studentët, njerëzit e thjeshtë dhe komunitetet.
Ne e sollën Shqipërinë para dyerve të Bashkimit Europian dhe kjo nuk ishte as një fushë me lule dhe as një rrugë e shtruar me tapet të kuq, por një betejë për të lartësuar prestigjin e vendit tonë, që e mundësoi vetëm qeverisja e PS dhe Edi Ramës.
Ne fituam besimin e njerëzve dhe po ua kthejmë atyre me punë, arritje dhe dinjitet”, tha Spiropali.
© Panorama.al
