Kryetari i Partisë Demokratike, Sali Berisha replikoi me deputeten e Partisë Socialiste, Elisa Spiropali pasi kjo e fundit iu drejtua duke i thënë se nëse e ka fuqinë që të demokratizojë partinë e tij dhe të çlirojë opozitën.
Berisha iu drejtua Spiropalit me termin “Pëllumbeshë”, ndërsa i tha gjithashtu se e “hëngri Lubia”, duke iu referuar ish zv kryeministres dhe ish ministres Belinda Balluku se ajo ishte më e fortë.
“Ju nuk përfaqësoni qytetarët, përfaqësoni vjedhjet e tij për të plaçkitur pasuritë publike në mënyrën më të pamëshirë. Përfaqësoni 140 milionë euro të vjedhura tek djegësi i Tiranës.
Përfaqësoni 600 milionë euro të përvetësuara nga familja e tij dhe ai, me Ergysin Agasin, në AKSHI-n e tij, me Lindat e tij. Përfaqësoni dosjen Balluku. Edhe ty, Pëllumbeshë, ty nuk të hëngri parimësia, por ty të hëngri Lubia, se ishte më e fortë se ti.
Pëllumbeshë, je e sinqertë me veten tënde, se unë të dhashë një paralajmërim kur na erdhe e veshur si nuse këtu, kujtove se ishte në ditën e fundit. Harrove se ajo do bëhej dita e fundit e jotja.“, tha Berisha.
© Panorama.al
