BERAT – Një aksident i rëndë automobilistik ka ndodhur mesditën e djeshme në rrugën nacionale Berat-Urë Vajgurore, në vendin e quajtur kthesa e Lapardhasë. Tri persona mbetën të plagosur, njëri prej tyre rëndë, nga përplasja e dy mjeteve, njëri “Benz” me targë BR 2643 B dhe tjetri “Audi” me targë AA 343 AE. Dy mjetet janë përplasur mes tyre, duke shkaktuar dhe plagosjen e dy drejtuesve: Alush Xherimesë, 35 vjeç, banor në Staravë, komuna Velebisht, (drejtuesi i mjetit Audi) dhe Dilaver Bilçari, 50 vjeç (drejtuesi i mjetit Benz), si dhe pasagjeri që ndodhej në njërën nga makinat, Vladimir Bilçari 45 vjeç. Burime të policisë bëjnë të ditur se dy drejtuesit e mjetit në momentin e përplasjes nuk kanë marrë ndonjë plagë të rëndë dhe janë jashtë rreziku për jetën. Pasojat më të mëdha i ka pasagjeri Bilçari, i cili u dërgua me urgjencë në spitalin e Beratit, në gjendje kritike për jetën. Specialistët e policisë rrugore, pas këqyrjes së vendit të ngjarjes, kanë dalë në përfundimin se të dy mjetet kanë qenë dhe kanë humbur kontrollin, duke u përplasur mes tyre fuqishëm. Kthesa e Lapardhasë është një zonë tepër e rrezikshme, ku pakujdesia më e vogël nga ana e drejtuesve mund të shkaktojë aksident. d.xh
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama