Dallga e madhe qytetare ka parakaluar e marshuar rrugëve të Tiranës mbrëmjen e sotme, në ditën e nëntë të grumbullimit të tyre paqësor për të kërkuar dorëheqjen e qeverisë dhe kryeministrit Edi Rama.
Ndërsa kanë marshuar pranë Ministrisë së Infrastrukturës, protestuesit kanë vijuar me thirrjet “Arresto Belindën” dhe “Rama dorëhiqu”.
Ish-zv-kryeministrja Belinda Balluku akuzohet për korrupsion. Ndërkohë protestuesit po vijojnë marshimin në rrugët e Tiranës, duke kërkuar dorëheqjen e kryeministrit Edi Rama.
Më thirrjet e tyre “Shqipëri e Re”, “Bashkohuni me Ne”, “Çohuni nga kafja”, protestuesit kanë vijuar marshimin e tyre në kryeqytet.
Protestuesit që në nisje të tubimit, kanë vijuar me thirrjet “Edi Rama dorëhiqu”. Qytetarët, kanë akuzuar qeverinë për korrupsion, për keqqeverisje.
