Kryeministri Edi Rama ka komentuar marrjen në hetim të deputetes Klotida Bushka në dosjen e arrestimit të Erion Veliajt.
Rama u shpreh se kryetarja e Komisionit të Ligjeve e ka marrë vesh për përfshirjen e saj në këtë aktakuzë si person i dyshuar nga televizioni.
Sipas kreut të qeverisë, ajo as nuk është thirrur nga SPAK dhe as nuk është marrë në pyetje lidhur me akuzat.
“Ky është një takim jashtë radhe i Grupit me kërkesë të kryetares së Komisionit të Ligjeve, gjë që e kemi pranuar për faktin se të gjithë jemi të befasuar që kryetarja e Komisionit figuron në atë aktakuzë për kryetarin e Bashkisë dhe bashkëshorten e tij.
Ndërkohë që kryetarja e Komisionit të Ligjeve e ka marrë vesh për përfshirjen e saj në këtë aktakuzë si person i dyshuar nga televizori, as nuk është thirrur, as nuk është pyetur dhe as nuk është dëgjuar”, tha Rama.
Klotilda Bushka, njëherazi kryetare e Komisionit të Ligjeve, akuzohet për kryerjen e veprimeve aktive “që pengojnë zbulimin e së vërtetës” në rastin e dosjes së Veliajt.
© Panorama.al
