Legjenda e Bajernit dhe Gjermanisë njofton tërheqjen nga futbolli: Gjithmonë do të jem besnik ndaj…

Panorama Sport | Gazeta me e madhe sportive ne vend

Postuar: Tetor 8, 2019 | 17:38


Legjenda e Bajernit dhe Gjermanisë njofton tërheqjen nga futbolli: Gjithmonë do të jem besnik ndaj…

Bastian Shvainstaiger, ka deklaruar se do të tërhiqet nga futbolli në fund të këtij viti, në moshën 35-vjeçare.Shvajni

Gjermani shënoi 68 gola në 500 ndeshje të zhvilluara me Bajern Mynihun, nga viti 2002 deri në vitin 2015. Gjithashtu fitoi tetë tituj të Bundesligës, shtatë kupa të Gjermanisë, dhe trofeun e Ligës së Kampionëve.

Mesfushori bëri edhe 121 paraqitje zyrtare me kombëtaren e Gjermanisë, duke qenë një nga lojtarët kryesorë të kësaj kombëtare, gjatë fitimit të Botërorit në 2014-ën. Prej vitit 2017 ai luan në SHBA, me MLS Çikago, ku kaloi nga Junajtid.

Ditën e sotme nëpërmjet një postimi në rrjetet sociale, lojtari ka deklaruar se do të tërhiqet nga futbolli i luajtur në fund të këtij viti: “Ka ardhur koha që në fund të këtij viti unë t’i jap fund futbollit të luajtur. T’i jap lamtumirën futbollit, më bën të ndihem pak nostalgjik, por unë jam duke pritur për sfida emocionuese që më presin në të ardhmen. Gjithmonë do të jem besnik ndaj futbollit.”, shkruan gjermani.

PANORAMASPORT.AL



www.minuta90.com