Drejtuesi politik i PD për Tiranën, Belind Këlliçi ka qenë pjesë e ceremonisë së inaugurimit të Presidentit të SHBA-ve, Donald Trump.
Me anë të një postimi në Facebook, Këlliçi ka publikuar edhe disa foto nga mbrëmja festive Liberty Ball, ku Trump dhe zonja e Parë, Melania përshëndetën të ftuarit.
Këlliçi shkruan se ‘presidenti Trump u shpreh i qartë dhe i prerë se dëshiron që trashëgimia e tij politike të jetë ajo e një Presidenti përbashkues dhe paqebërës në mbarë globin’.
“Kënaqësi e jashtëzakonshme të isha pjesë e mbrëmjes festive Liberty Ball, në të cilën Presidenti Trump, i shoqëruar nga Zonja e Parë Melania dhe fëmijët e tij, si dhe Zv. Presidenti JD Vance, i shoqëruar nga zonja e tij, Usha Vance, përshëndeti të ftuarit dhe riafirmoi premtimet e tij të dhëna gjatë fushatës elektorale.
Përmes ovacioneve USA! USA!, Presidenti Trump u shpreh i qartë dhe i prerë se dëshiron që trashëgimia e tij politike të jetë ajo e një Presidenti përbashkues dhe paqebërës në mbarë globin. Zoti e bekoftë Amerikën”, shkruan Kelliçi.
© Panorama.al
