Zgjedhja e Endrit Shabanit si Avokat i Popullit, PD: Do i drejtohemi Gjykatës Kushtetuese për ta rrëzuar, u keqpërdorën firmat tona

Dec 15, 2025 | 17:21

Grupi Parlamentar i Partisë Demokratike ka vendosur t’i drejtohet Gjykatës Kushtetuese lidhur me zgjedhjen e Endri Shabanit në postin e Avokatit të Popullit, një proces që sipas PD-së është zhvilluar në shkelje të procedurave parlamentare.

Sipas njoftimit zyrtar, Partia Demokratike pretendon se zgjedhja e Endri Shabanit është bërë me vendim të Kryeministrit Edi Rama.

PD thekson se në këtë proces janë keqpërdorur edhe firmat e deputetëve demokratë, të cilat, sipas saj, ishin tërhequr paraprakisht.

Kujtojmë se Endrit Shabani u zgjodh mbrëmjen e 11 dhjetorit Avokat i Popullit me 85 vota pro nga mazhoranca socialiste dhe me asnjë votë nga opozita, të cilët kishin firmosur më parë kandidaturën e tij, por më pas u tërhoqën.

Partia Demokratike tërhoqi firmat për të 6 kandidatët, Aranita Brahaj, Besim Ndregjonaj, Jola Hysaj, Tartar Bazaj, Adriana Kalaja dhe Endri Shabani, me pretendimin se PS kërkon të marrë Avokatin e Popullit duke vendosur Shabanin në krye të saj.

Opozita kërkoi që projektvendimi të mos votohej në Kuvend, me argumentin se ata kanë pasur vetëm firma për mbështetje ndaj disa kandidatëve dhe jo një propozim konkret. Por kërkesa u rrëzua me 77 vota të socialistëve në Parlament.

Si u ndanë votat për 6 kandidatët:

Tartar Bazaj: 1 pro, 79 abstenim, 7 kundër

Aranita Brahaj: 4 pro, 76 abstenim, 7 kundër

Skënder Haluci: 1 pro, 72 abstenim, 14 kunder

Adriana Kalaja: 0 pro, 69 kundër, 17 abnestim

Beism Ndregjoni: 0 pro, 61 abstenim, 25 kundër

Endri Shabani: 85 pro, 0 abstenim, 3 kundër

LISTA E FIRMAVE TË DEPUTETËVE OPOZITARË

Sipas një liste të publikuar në media, kanë qenë 34 deputetë të opozitës ata që më herët kanë firmosur për kandidaturën e Shabanit.

Ndër ata që kanë firmosur janë deputetët e Partisë Demokratike, të Partisë Mundësia, Partia Bashkimi për të Drejtat e Njeriut dhe Partia Socialdemorkate.

LISTA