Shpërthime të shumta ndodhën sot në vullkanin Sakurajima në ishullin e madh të Kyushu, në perëndim të Japonisë, duke dërguar një re tymi dhe hiri deri në 4.4 kilometra në ajër, duke shkaktuar anulimin e dhjetëra fluturimeve.
Sakurajima, e vendosur në majën jugore të Kyushu pranë qytetit të Kagoshimës, shpërtheu rreth orës 6 të pasdites të shtunën, tha Agjencia Meteorologjike e Japonisë (JMA).
Dy shpërthime të tjera u regjistruan rreth orës 02:30 të mëngjesit dhe 10:50 të mëngjesit të sotëm (16 nëntor).
Agjencia e lajmeve Kyodo njoftoi se ky është shpërthimi i parë që ka dërguar re tymi dhe hiri 4 kilometra ose më lart në gati 13 muaj.
Mediat lokale raportuan gjithashtu se 30 fluturime për në dhe nga aeroporti i qytetit të Kagoshimës u anuluan për shkak të rënies së hirit vullkanik.
🚨🇯🇵 SAKURAJIMA VOLCANO ERUPTS ASHFALL DISRUPTS FLIGHTS IN KYUSHU
Japan’s highly active Sakurajima volcano erupted three times early Sunday, sending a massive ash plume up to 4.4 km into the sky near Kagoshima in southern Kyushu.
🔹The Japan Meteorological Agency warned ash… pic.twitter.com/CjykI7Hn1N
— Info Room (@InfoR00M) November 16, 2025
JMA tha se hiri vullkanik ishte zhvendosur në verilindje pas shpërthimit të fundit dhe pritej të binte mbi Kagoshima dhe prefekturën e afërt Miyazaki sot. Sakurajima është një nga vullkanet më aktive të Japonisë dhe shpërthime me intensitet të ndryshëm ndodhin rregullisht. Në vitin 2019, retë e hirit arritën lartësi deri në 5.5 km.
© Panorama.alWATCH LIVE: Japan’s Sakurajima volcano erupts, ashfall cancels flights https://t.co/rFE8MorxsI
— CGTN Europe (@CGTNEurope) November 16, 2025
