Një grua që vuante nga sëmundja e Parkinsonit, luajti në klarinetë, ndërsa i nënshtrohej një operacioni në tru, duke u dhënë mjekëve prova të menjëhershme të suksesit të operacionit.
Denise Bacon, 65 vjeçe, nga Sussex, Britani e Madhe, përjetoi përmirësim të menjëhershëm në lëvizjet e gishtërinjve, pasi iu nënshtrua stimulimit të thellë të trurit (DBS) për të luftuar simptomat e Parkinsonit, duke përfshirë bradikinezinë dhe ngurtësinë e muskujve.
Ajo u diagnostikua me sëmundjen në vitin 2014 dhe që atëherë aftësia e saj për të ecur, notuar, kërcyer dhe luajtur në instrumentin e saj është prekur .
Gjatë operacionit katër-orësh në Spitalin e Kolegjit King, Profesori i Neurokirurgjisë Keyoumars Ashkan, kreu kirurgjinë DBS për të lehtësuar simptomat, ndërsa Bacon mbeti zgjuar gjatë operacionit.
DBS është një procedurë kirurgjikale që përdor elektroda të implantuara në tru dhe është e përshtatshme për disa pacientë me çrregullime të tilla si sëmundja e Parkinsonit.
“Ne shpuam vrima me madhësinë e gjysmës së një monedhe në kafkën e Denise dhe një kornizë me koordinata të sakta u vendos në kokën e saj, e cila veproi si një sistem navigimi për të na udhëhequr në pozicionet e sakta për të implantuar elektroda brenda trurit”, tha Keyoumars Ashkan.
“Stimulimi i thellë i trurit është një nga trajtimet më efektive, të provuara dhe afatgjata për kontrollin e simptomave motorike të sëmundjes së Parkinsonit, duke përmirësuar dridhjet, ngurtësinë dhe ngadalësinë e lëvizjes”, shtoi profesori i neurokirurgjisë.
Kurse vetë Bacon, rrëfeu eksperiencën e saj:
«Mbaj mend që dora ime e djathtë lëvizte shumë më lehtë pas stimulimit, dhe kjo nga ana tjetër përmirësoi aftësinë time për të luajtur klarinetë, gjë për të cilën isha e emocionuar. Tashmë po vërej një përmirësim në aftësinë time për të ecur dhe mezi pres të provoj notin dhe vallëzimin për të parë nëse aftësitë e mia në ato zona janë përmirësuar gjithashtu».
Bacon kishte një bateri të rikarikueshme të implantuar në gjoksin e saj që mund të zgjasë deri në 20 vjet para se të duhet të zëvendësohet.
Kjo monitoron aktivitetin e trurit të saj dhe mund të ndihmojë në rregullimin automatik të stimulimit elektrik kur është e nevojshme. Pamjet e operacionit dhe luajtjes në klarinetë tashmë janë bërë virale.
© Panorama.alA woman with Parkinson’s Disease who played a clarinet while undergoing brain surgery has told the BBC “it was just amazing” to see and feel her fingers moving “better and faster” during the operation.
More here: https://t.co/2kFx4wAaXt pic.twitter.com/sUc56pTSej
— BBC Sussex (@BBCSussex) October 22, 2025
