Pankartat me mesazhe të forta dhe ironike nuk kanë munguar as në protestën e 20-të në Tiranë, ku mijëra protestues vijojnë të kërkojnë dorëheqjen e kryeministrit Edi Rama dhe qeverisë së tij.
Në duart e qytetarëve janë parë pankarta me slogane kundër qeverisë, ku ndër të tjera shkruhet: “Rama n’burg, Balluku n’burg!”, “Populli kërkon dorëheqjen, Rama kërkon Noc Rrokun”, si dhe “Edi Rama kërko falje, populli nuk pranon tallje”.
Mesazhe të tjera ironizuese kanë qenë edhe “PS = Partia Komuniste në Largim”, ndërsa një tjetër pankartë përcillte mesazhin: “Pranë njëri-tjetrit jemi më të fortë se një Benz 240”.
Pankartat janë shoqëruar me thirrjet e protestuesve gjatë tubimit, ku kërkohet largimi i kryeministrit dhe ndryshime në qeverisje.
