Sulmet ushtarake ruse në portin e Odesës, në jug të Ukrainës, kanë shkaktuar ndotje nga vaji i lulediellit në bregdetin e Detit të Zi, duke rrezikuar jetën detare në rajon, raporton Agence France-Presse.
Në javët e fundit, porti, i cili eksporton shumicën e produkteve bujqësore, është goditur nga bombardime të përsëritura, disa nga më të këqijat në katër vjet luftë.
Autoritetet ukrainase thonë se Moska synon të shkatërrojë infrastrukturën e saj portuale.
Një gazetar i AFP-së filmoi pellgje nafte ngjyrë kafe në bregdetin e Odesës dhe një njollë nafte në sipërfaqen e detit. Vullnetarët po pastronin rërën dhe po nxirrnin zogj deti të ngordhur nga uji.
“Arsyeja është sulmi masiv i armikut ndaj infrastrukturës portuale, i cili shkaktoi dëme në rezervuarët e vajit të lulediellit, duke rezultuar në rrjedhje”, shpjegoi Guvernatori i Odesës, Oleg Kiper.
Vladislav Balinsky, një ekspert në ekologjinë detare, foli për një “katastrofë ekologjike”. “Ka dhjetëra zogj të ngordhur në breg”, tha ai.
Leonid Stoyanov, një veteriner i përfshirë në përpjekjet e shpëtimit të zogjve, shpjegoi se zogjtë ngordhin nga hipotermia sepse, kur bien në kontakt me vajin e lulediellit, humbasin shtresën e yndyrës që i bën pendët e tyre të papërshkueshme nga uji.
© Panorama.al‼️👉Dopo gli attacchi alle infrastrutture del porto “Yuzhny”, sulla costa di Odessa è fuoriuscito petrolio e ora i media ucraini versano lacrime per questo, ma quando gli ucraini hanno attaccato le petroliere nel Mar Nero, non hanno pensato alle conseguenze dei loro atti… pic.twitter.com/DKTO5mpvqX
— Erny110393 🇮🇹🇷🇺 (@erny110393) December 24, 2025
