Deputeti i PD-së, Flamur Noka, në Komisionin për Çështjet e Brendshme dhe të Mbrojtjes, u përplas me ministrin e Mbrojtjes, Pirro Vengu, lidhur me emërimin e Ardi Veliut në krye të KAYO-s.
Flamur Noka u shpreh se Ardi Veliu është një njeri i ardhur nga skutat e mafies shqiptate, ndërsa theksoi se NATO duhet të ishte shëmbëlltyra e dinjitetit të shtetit, si një vend anëtar i aleancës euro-atlantike.
Demokrati shtoi se kreu i KAYO, sipas tij, është i zhytur në krim, vrasje e afera kriminale.
“Ardi Veliu, një njeri i ardhur nga skutat e mafies shqiptare, një njeri që partnerët nuk e qasin askund sepse është i zhytur në krim, në prishje të provave, në vrasje e afera kriminale”, u shpreh ai.
Flamur Noka: Po i shkoni NATO-s me KAYO. Duhet të ishte shëmbëlltyra e dinjitetit të shtetit, sepse flitet për një vend anëtar të NATO, por të vendosësh në krye të KAYO-s, Ardi Veliun, një njeri i ardhur nga skutat e mafies shqiptare, një njeri që partnerët nuk e qasin askund sepse është i zhytur në krim, në prishje të provave, në vrasje e afera kriminale.
Nuk mund ti shkosh NATO-s me Ardi Veliun, kur ishte drejt në Vlorë, drejtorit të policisë bashkiake, thuhet se iu vodhën 600 mijë euro në shtëpi dhe ju një nëpunësi të nivelit të tretë i vidhen 600 mijë euro dhe ju e merrni e ngrini dhe vetëm e ngrini.
Aferat kriminale. Pra ky njeri, e di çdo të thotë, ti varësh ujkut mëlçitë në qafë, ti japësh KAYO-n Ardit Veliut. Është shëmbëlltyra e narkosit në pushtet. Ju përfaqësoni Troplinët këto, por NATO-n kurrë.
© Panorama.al
