Presidenti amerikan, Donald Trump ka kërcënuar me tarifa të reja Kanadanë pasi qindra zjarre bënë që SHBA veriore të mbulohej nga tymi toksik.
Kërcënimi vjen pas ankesave të ligjvënësve amerikanë për zjarret në pyje dhe kërkesave të kryeministrit të Ontarios, Doug Ford, nga SHBA-të për të dërguar mbështetje për të luftuar zjarret në vend që të ankohen.
“Shtetet e Bashkuara po pushtohen pa nevojë nga ajri i ndotur dhe i pashëndetshëm”, tha presidenti i SHBA, duke kërcënuar të vendosë taksa të reja për shkak të “neglizhencës së qëllimshme” të Kanadasë.
Sipas Sistemit Kanadez të Informacionit për Zjarret në Natyrë, që nga e shtuna, kishte rreth 955 zjarre në mënyrë aktive në Kanada, shumica prej të cilëve që digjeshin jashtë kontrollit.
Trump tha në Truth Social se do të telefononte kryeministrin kanadez për të kërkuar një shpjegim mbi “neglizhencën e qëllimshme” të vendit të tij, duke e akuzuar se “nuk i mirëmban siç duhet” pyjet dhe shkurret e tij.
Republikanët e tjerë e kanë përdorur këtë çështje për të ripërtërirë thirrjen e Trump për ta bërë Kanadanë shtetin e 51-të të SHBA-së, një mendim që i ka ofenduar kanadezët dhe i ka bërë shumë të ndalojnë udhëtimet drejt fqinjit të tyre jugor në shenjë proteste. Carney më parë vuri në dukje se ishte përgjegjësi e të dy vendeve të luftonin ndryshimet klimatike.
© Panorama.al
