Presidenti i Republikës së Shqipërisë, Bamir Topi, ka aprovuar dje dhënien e shtetësisë për tre futbollistë të talentuar shqiptarë. Bëhet fjalë për lojtarët e rinj Fatlum Ramadani, Lorik Aliu, Astrit Bunjaku. Lajmi është bërë i ditur të enjten nga zyrtarë të FSHF-së. Ramadani 16-vjeçar dhe Aliu 15-vjeçar, që aktivizohen te klubi Prishtina në Kosovë, kanë lënë përshtypje të mira në kampin e talenteve të mbajtur në Kamzë (3-7 gusht). Kjo dyshe është përzgjedhur nga ndihmësi i parë i Josip Kuzhes, Xhemal Mustedanagiç, që drejton me ekipin U-17 të Shqipërisë. Duke filluar që nga dita e sotme, këta lojtarë do të jenë në dispozicion të përfaqësueses U-17. Ndërkaq, një lajm i mirë edhe për sulmuesin e talentuar të Bazelit, Astrit Bunjakun, i cili gjithashtu do të ketë shanset për të luftuar për një fanellë kuqezi. “Falënderojmë Presidentin Bamir Topi për mbështetjen e madhe që i ka dhënë institucionit të futbollit. Jemi të lumtur që tri talentet tashmë janë pajisur me pasaportë shqiptare dhe do të mbrojnë ngjyrat kuqezi në të ardhmen”, ka thënë zv.sekretari i Përgjithshëm i FSHF-së, Besnik Çela.
Opinion
Uashingtoni braktis Edi Ramën
GENC BURIMI
Patronazhimi politik, kapja orwelliane e shtetit
EDMOND PANARITI
Dy pyetje të vështira nga protestuesit e rinj
ARBEN MALAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama