Toros i “BB4” fiton studimet për Juridik si i përndjekur politik

Edhe pse qëndroi vetëm 22 ditë në “Big Brother 4”, konkurrenti nga Durrësi ishte një ndër banorët më protagonistë në lojë, dhe që pas përfundimit të spektaklit ishte ai që i mblidhte të gjithë konkurrentët së bashku duke vazhduar në një farë mënyrë “Big Brother” jashtë kamerave. Me një jetë plot aventura në Itali e vende të tjera të botës, tashmë ai është rikthyer në Shqipëri për një fillim të ri. Dhe natyrisht që në këtë fillim ndryshe në Shqipëri, synimi i tij i ri ishte nisja e studimeve të larta për Juridik, që nuk kishte pasur mundësi t’i ndiqte më parë. Ashtu siç e shprehu në prezantimin e tij para se të hynte në “Big Brother”, një nga hobet e tij përveç sporteve, ishte politika dhe drejtësia, ndaj dhe u angazhua në fushatën e Lulzim Bashës për Bashkinë e Tiranës. Dhe, pas kaq vitesh, Toros ka fituar të drejtën e studimeve në degën e Juridikut pranë Universitetit Shtetëror të Tiranës, një e drejtë që i është dhënë me statusin e ish të përndjekurit politik. Ai pohoi se “Fillimi i studimeve të larta kishte qenë ëndrra e tij, dhe tashmë ai do të vazhdojë jetën si student. Nuk dihet se ç’do të bëjë me hobin që ka për televizionin, duke e përmendur dhe ekranin si ambicie të tij pas daljes nga loja. Pas eksperiencës së BB, ai pohoi se synimet e tij nuk kishin përfunduar ende. “BB ishte vetëm fillimi, pasi loja vazhdon jo vetëm në BB4, por edhe jashtë tij në çdo fushë”, tha Toros.

© Panorama.al