Kryetari i Partisë Socialdemokrate të Shqipërisë, Tom Doshi është regjistruar në KQZ ditën e sotme për garën elektorale të 11 Majit.
Kërkesa është depozituar ditën e sotme në Komisionin Qendror të Zgjedhjeve.
Tom Doshi ka bërë të ditur se do të jetë pjesë e garës elektorale për të fituar një mandat deputeti në Qarkun e Shkodrës.
Kujtojmë që Partia e Tom Doshit në zgjedhjet e kaluara parlamentare te vitit 2021, arriti të fitojë 3 mandate deputetësh. Konkretisht 2 deputetë në Shkoder dhe 1 mandat ne Tiranë.
Disa ditë më parë, Tom Doshi ka prezantuar programin e PSD-së nga ku konfirmoi dhe kandidaturën e tij për deputet në Shkodër.
Ky program, sipas Kreut te PSD, Doshi është ndërtuar për çdo familje shqiptare. Në zgjedhjet parlamentare, PSD synon zgjerimin e saj me deputet në gjithë vendin teksa në zgjedhjet e fundit lokale në qarkun Shkodër doli forcë e parë sa i përket numrit të këshilltarëve.
