TIRANE – Policia e Tiranës ka vënë në pranga një 25-vjeçar, i cili ishte shpallur në kërkim që prej datës 30 mars 2013, pasi akuzohej se kishte tentuar të vriste dy oficerë të forcave speciale RENEA. Burime zyrtare të Policisë së kryeqytetit thanë se i arrestuari është Belind Luli, i cili dyshohet se shoqërohej me një tjetër person në momentin e ngjarjes, i cili ende nuk është identifikuar. Ngjarja për të cilën akuzohet Luli ka ndodhur pas mesnate, më 30 mars të këtij viti, te mbikalimi i Rinasit, kur efektivat e RENEA-s, Rigers B., 29 vjeç dhe Tonin K., 33 vjeç, po udhëtonin me një automjet tip “Citroen”. Një automjet tip “Range Rover”, ngjyrë e zezë, me targa angleze, që drejtohej nga Luli, ka kaluar paralel me makinën e policëve dhe personi që ndodhej në sediljen e parë, ka qëlluar me pistoletë në drejtim të makinës së tyre. Njëri nga efektivat e RENEA-s, Tonin K., në kushtet e vetëmbrojtjes, i është kundërpërgjigjur me zjarr automjetit nga po qëllohej dhe në këtë kohë autorët janë larguar nga vendi i ngjarjes.
Opinion
Në udhëkryqin e 7 qershorit
DEMUSH SHASHA
Zvërneci, Rrjolli dhe Konventa Aarhus
ERMELINDA MEKSI
“Shkëlqimi i një pallati sporti”
PLEURAT HIMADUNA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama