Bëhet publik protokolli që do ndiqet nesër me rastin e përcjelljes për në banesën e fundit të ish-kryeministrit Fatos Nano, që ndërroi jetë të premten (31 tetor).
Ceremonia funebre për nderimin e ish-kryeministrit do të zhvillohet në ambientet e Pallatit të Kongreseve në Tiranë. Pritja për qytetarët dhe miqtë do të nisë në orën 8:30 të mëngjesit.
Ndërkohë që do të mbyllet në orën 12:00 për të filluar me ceremoninë në prani të autoriteteve të lartë shtetërore.
Sakaq, do të ketë dhe fjalime, ndërsa pritet fjala e kryeministrit dhe kreut të PS-së Edi Rama në orën 12:20. Më pas Nano do të përcillet për në banesën e fundit.
PROTOKOLLI:
Në nderim të ish-Kryeministrit të Republikës së Shqipërisë, Fatos Nano, udhëheqës dhe politikan i shquar, do të zhvillohet ceremonia funebre shtetërore ditën e diel, më 2 nëntor 2025, në Pallatin e Kongreseve, Tiranë.
Programi i ceremonisë:
08:30 – Fillimi i homazheve publike;
11:00 – Përfundimi i homazheve publike
11:15 – Homazhet e personaliteteve shtetërore dhe të Trupit Diplomatik;
12:00 – Ceremonia funebre e Lamtumirës, në prani të autoriteteve të larta shtetërore dhe përfaqësuesve të Trupit Diplomatik.
Pas përfundimit të ceremonisë shtetërore, kortezhi funebër do të përcjellë trupin e të ndjerit për në banesën e fundit, në një ceremoni private familjare.
Sinjali televiziv i të gjithë ceremonisë do të mundësohet nga regjia qendrore dhe do të transmetohet drejtpërdrejt në platformat zyrtare në Facebook dhe YouTube.
Fotografët do të kenë pozicionin e tyre të dedikuara në një kënd të posaçëm të Hollit të Pallatit të Kongreseve.
© Panorama.al
