Një situatë e pazakontë ka ndodhur në protestën e 30-të kundër qeverisë Rama.
Studentët kishin përgatitur një surprizë me një banderolë të vendosur në fasadën e Universitetit Politeknik në fund të bulevardit: Ju erdhi fundi.
Mirëpo sapo u shpalos banderola në fasadë prej studentëve, ajo u u hoq mesa duket nga roje të sigurisë Iliryan Guard, të cilët mbyllën dhe studentët brenda.
Menjëherë protestuesit shkuan nga Kryeministria te Universiteti dhe aty u bashkuan me studentët e tjerë protestues. Sakaq, pati dhe përplasje mes protestuesve dhe rojeve të sigurisë pasi kërkonin të merrnin sërish banderolën.
