Një pelegrinazh i madh ndërkombëtar i besimtarëve bektashinj zhvillohet në Larisa të Greqisë, ku kremtohet ceremonia e shenjtë e Teqes.
Ceremonia drejtohet nga Kryegjyshi Botëror, Baba Mondi, i cili ka ndarë mesazh paqeje, dashurie dhe vëllazerie njerëzore.
Kryegjyshi Botëror në fjalën e tij tha se “Teqja Bektashiane e Turballi Sulltanit në Larisa të Greqisë me një histori të lashtë është Tempull që, ashtu si dje, edhe sot është Tempull i Paqes dhe i dashurisë njerëzore që fton të gjithë njerëzit pa dallim besimi religjioni, kombësie, të jetojnë në paqe në harmoni dhe në një vëllazëri të vërtetë njerëzore.
Ky tempull i Zotit është një vend i shenjtë që mëkon sot për të gjithë mirësi shpirtërore dhe i fton njerëzit të jenë e të bëhen më njerëzor, me humane, të mendojnë të gjithë se dashuria duhet të na udhëheqë kudo në jetë në shoqëri.”
“Ky vend i shenjtë”, vazhdoi më tej Kryegjyshi Botëror, “na fton sot në kohën e sotme të mbjellim në çdo njeri paqen dhe të bëhemi nga ato njerëz që kudo paqja të mbretërojë në çdo njeri, gjë që kërkon sot koha, shoqëria e sotme njerëzore.”
Mësohet se në ceremoni marrin pjesë qindra besimtarë nga Shqipëria, Greqia, Turqia, Bullgaria, dhe Maqedonia Veriut
