Presidenti i Shteteve të Bashkuara të Amerikës, Barak Obama tha sot se do të kërkoj “sanksione më të ashpra” kundër Iranit, lidhur me komplotin e dyshuar për të vrarë ambasadorin e Arabisë Saudite në Uashington.
Në deklaratën e tij të parë publike për këtë çështje, zoti Obama tha se komploti i dyshuar është pjesë e “modelit të sjelljes së rrezikshme dhe të pamatur” të Teheranit.
Obama tha se Shtetet e Bashkuara nuk do ta përjashtojnë asnjë aksion të mundshëm në raportet me Iranin.
Këto komente ai i bëri sot në konferencën e përbashkët për shtyp në Shtëpinë e Bardhë, me presidentin e Koresë Jugore, Li Mjung-bak.
Irani i ka hedhur poshtë pohimet se ka dorë në këtë komplot të dyshuar.(rel)
© Panorama.al
