Zhoze Murinjo vazhdon të tregojë se lojtarët duhet të zbatojnë me përpikëri rregulloren që trajneri ka vendosur dhe për asnjërin nuk do ketë tolerime. Ai që e ka pësuar i fundit, ka qenë Iker Kasijasi. Portieri i madrilenëve ka shkuar në stërvitje me vonesë, për shkak të trafikut që kishte hasur gjatë rrugës dhe, për këtë shkak, nuk i ka shpëtuar gjobës. Pas stërvitjes, ai nuk ka vonuar ta vendosë status në Facebook atë që i ndodhi. “Java nisi mjaft keq. Pas torturimit në trafikun e Madridit, shkova me vonesë në stërvitje dhe Murinjo më vuri gjobë. Faleminderit Zotit që të paktën morëm tri pikët ndaj Malagës”, ka shkruar ai, ndërsa më pas ka komentuar që e ka mirëpritur vendimin e trajnerit, pasi askush nuk mund të tolerohet kur thyen rregullat, pavarësisht arsyes që mund të ketë pasur. Gjatë seancës së djeshme, Albiol i është bashkuar grupit dhe është stërvitur normalisht me skuadrën, por duke mbajtur një mbrojtëse në kokë. Ndërsa Rikardo Karvajo, Nuri Shahin, Fabio Koentrao dhe Lasana Diarra janë stërvitur veçmas në palestër, për shkak të problemeve fizike.
Opinion
Uashingtoni braktis Edi Ramën
GENC BURIMI
Patronazhimi politik, kapja orwelliane e shtetit
EDMOND PANARITI
Dy pyetje të vështira nga protestuesit e rinj
ARBEN MALAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama