Në protestën e 16-të të zhvilluar në kryeqytet, një prej qytetarëve iu është drejtuar pjesëmarrësve për të vijuar qëndresën dhe për të mos ndërprerë tubimet që po mbahen prej ditësh për dorëheqjen e kryeministrit Edi Rama dhe qeverisë së tij.
Ai iu referua edhe zhvillimeve të fundit politike, duke përmendur largimin e deputetes Marjana Koçeku nga Partia Socialiste.
“Kam vetëm një thirrje, mos e lini këtë energji të mbarojë. I dhamë provat, Marjana Koçeku ka dhënë dorëheqjen nga PS-ja; nga 83 deputetë, janë 82”, tha ai.
Në fjalën e tij, ai solli edhe një citim të Nënë Terezës, e cila ka thënë: “Një pikë ujë nuk prish ujin në oqean, por oqeani nuk është më i njëjtë pa atë pikë.”
“Qëndroni deri në fund, sepse jemi bijtë e Kastriotit dhe jo të Kastratit”, përfundoi ai
© Panorama.al
