Bashkia e Tiranës do të bashkëpunojë në disa fusha me Bashkinë e Lubjanës. Një ditë më parë, kreu i Bashkisë së Tiranës ka vizituar kryeqyetin e Sllovenisë, ku është takuar me homologun e tij, Zoran Jankovic.
Bashkëpunimi mes dy bashkive do të përqëndrohet në shkëmbimin e eksperiancave në çështje si, Plani Urbanistik, infrastruktura, riciklimi i mbetjeve, trafiku, ndërtimi i Parkut Teknologjik si dhe aspekte të ekologjisë dhe pastërtisë së qytetit.
Kjo ishte vizita e parë zyrtare e Kryetarit të Bashkisë së Tiranës, Lulzim Basha, që pas zgjedhjes së tij në këtë detyrë. Basha ka ftuar z.Jankovic, të vizitojë Tiranën, i cili pranoi duke u shprehur se së shpejti do të vijë për vizitë në kryeqytetin e Shqipërisë.
© Panorama.al
