Një aksion i përbashkët është zhvilluar nga Prokuroria e Brescias në Itali dhe SPAK-ut në Shqipëri.
Burimet bëjnë me dije se janë lëshuar 21 urdhër arreste.
Sipas mediave italiane, policia e Brescias zbuloi një rrjet droge të përqendruar në provincë.
Bazat e grupit kriminal shqiptar ishin në Rovato dhe Palazzolo. Importi i drogës dhe operacionet e mëvonshme të trafikimit ishin në duart e klaneve shqiptare. Një sasi e konsiderueshme parash u sekuestrua gjithashtu.
Kokaina mbërrinte nga Amerika e Jugut, ndërsa heroina nga Shqipëria. Hetimi zbuloi shoferë autobusësh që nuk ishin në dijeni se po transportonin drogë, informon giornaledibrescia.
