Beshiktashi kishte afat deri më 15 qershor për të blerë kartonin e Kristjan Asllanit. Klubi turk nuk e shfrytëzoi klauzolën, ndërsa bëhej fjalë për 11 milionë euro.
Megjithatë, Beshiktashi nuk do të tërhiqet nga Asllani. Për mesfushorin e Shqipërisë do të kërkohet ulje nga Interi.
“Corriero dello Sport” tregon për interesin që Beshiktash vazhdon të ketë. Interi ndërkohë është gati për ta shitur mesfushorin e Kombëtares shqiptare.
Fakt është se Asllani nuk bën pjesë në planet e trajnerit Kristian Kivu. Po ashtu vetë lojtari tregoi se është përshtatur me Beshiktashin.
“E ardhmja? Nuk e di. Beshiktashi ka të drejtë blerje deri më datë 15. Jam gjetur shumë mirë atje, kam luajtur të gjitha ndeshjet. Shpresoj të rri atje. Nuk i dihet”, u shpreh Asllani më 3 qershor pas humbjes ndaj Luksemburgut në “Air Albania”.
EMANUEL LOCI-PANORAMASPORT.AL
© Panorama.al
