Kryeministri Edi Rama ishte në Burrel ku zhvilloi një takim me qytetarët atje, në kuadër të zgjedhjeve të 11 majit.
Në fjalën e tij, kreu i qeverisë tha se ndihet i lehtësuar që nuk po bën fushatë për përfundimin e rrugës së Arbrit.
Kreu i qeverise premtoi se “në dekadën e ardhshme Dibra do jetë pjesa më e lakmuar e metropolit të Shqipërisë”.
Rama deklaroi se do te përfundojë rrugen e Lurës brenda viti dhe premtoi ndertimin e rruges Skuraj-Burrel.
Rama: Jemi vetëm 9 ditë larg një takimi me historinë në kuptimin e vërtetë të fjalës. Unë vetë jam realisht i lehtësuar për faktin që nuk po bëjmë një tjetër fushatë këtu duke premtuar që do mbarojë rruga e Arbrit, por po bëjmë një fushatë duke ardhur nga kjo rrugë.
Në dekadën e ardhshme Dibra do jetë pjesa më e lakmuar e metropolit të Shqipërisë.
Shpresoj që deri në fund të këtij viti ta kryejmë edhe rrugën e Lurës. E di që këtu ka një konkurrencë mes matjanëve dhe dibranëve, se sa herë them ndonjë gjë që i shkon dibranëve nuk ka shumë duartrokitje të nxehta.
Në mandatin e 4 mbetet për tu bërë edhe rruga që lidh Burrelin me Ulzën. Pasi është një zonë shumë e bukur. Tani që nga rruga e arbrit vihet kaq lehtë, do të bëjë mundësinë më të lehtë për të bërë investime në atë anë.
Para se të vinim këtu, u ndalëm pimë një gotë ujë, se ka pasur shpenzime Argoni dhe nuk na dha kafe…Tha unë ca kisha për të bërë bëra më të mirën e mundshme, tani vetëm një gjë ka mbetur, rruga Skuraj-Burrel. I them sa kilometra është, nuk është shumë tha 36 km. I them kjo është rruga e dytë e Arbrit. U hodh kryetari i bashkisë së Dibrës tha “jo tha nuk ke pse e bën. Mbaheni ashtu që ta kujtojnë njerëzit si ishte dhe si u bë, që kur të shkojnë nga rruga e Arbrit të shohin si u bë, kur të shkojnë atje, të kujtohen si ishte”, E kuptoni tani ju, por ne do ta bëjmë atë.
© Panorama.al
